Ekstremisti grek që u ndalua në kufi, rreth orës 15:15 të pasdites së sotme, Babis Karathanos kishte shpërndarë edhe një mesazh në rrjetet sociale.
Pasi iu ndalua hyrja në Shqipëri,
motivacioni i të cilit ende nuk dihet, Karathanos kishte shkruar në Facebook
se shqiptarët dhe në veçanti kryeministri Edi Rama, janë duke ndaluar grekët që
të kalojnë kufirin.
Sipas tij kjo është qesharake, ndërsa i kujtoi Ramës se grekët nuk luftojnë dhe
terrorizmi i tij nuk do të kalojë.
Gazetarja e Ora News, Entiola Bundo tha se Karathanos ka pasur edhe një shkrim të shkurtër në rrjetin e tij social Facebook, ku ka shkruar: “Shqipëria dhe Rama ndalon qytetarët grekë të kalojnë kufi, me justifikime qesharake dhe uroj të kem një takim të shpejtë me kryeministrin e Greqisë”.
Karathanos edhe zyrtarë të tjerë i kujtojnë Shqipërisë kushtet e integrimit në BE, teksa shton se çdo ditë minoriteti terrorizohet.
Karathanos e ka mbyllur mesazhin e tij me një thënie ku thotë se “grekët nuk luftojnë, terrorizmi i Ramës nuk do të kalojë”.
Ditën e nesërme në fshatin Bularat pritet të mbahet ceremonia për Kostandin Kacifas, vrarë një vit më parë pas përplasjes me Forcat e Ndërhyrjes së Shpejt.
