Familja e Lionel Messi thuhet se ka blerë një apartament të mobiluar me katër dhoma gjumi, katër banjo dhe pamje nga deti në një ndërtesë unike Sunny Isles Beach pranë qendrës së Miamit në Shtetet e Bashkuara të Amerikës.
Kapiteni i Barcelonës nuk e ka përjashtuar mundësinë për të lëvizur në Shtetet e Bashkuara në të ardhmen, kur ai vendos të lërë Evropën.
Sipas një uebfaqe biznesi të pasurive të paluajtshme The Real Deal, ndërtesa e lartpërmendur përmban njësi me pamje 360 gradë, 511 metra katrorë hapësirë të brendshme dhe 195 metra katrorë hapësirë tarracë dhe Messi shpenzoi 7.3 milionë euro për ta blerë.
Kompania që bleu banesën quhet Celromalina LLC dhe sipas mediave të tjera lokale është e lidhur me familjen e Messit.
Ndërkohë, apartamenti ka gjashtë pishina, një banjë spanjolle, kabana, një qendër fitnesi, studio yoga, shtëpi lojërash për fëmijë, një bar shampanje dhe bodrum vere.
Siç raportohet nga The Real Deal, dy vjet më parë Messi gjithashtu bleu një apartament në Porsche Design Tower , një ndërtesë 60-katëshe në Miami Beach , në këmbim të pesë milionë dollarëve.
