Lionel Messi u kthye në shtëpi pas paradës pas Kupës së Botës, por turma të mëdha ishin mbledhur jashtë shtëpisë së tij në Rosario për ta pritur heroin e tyre.
Messi ka plotësuar ëndrrën e tij, duke fituar Kupën e Botës dhe skenat kanë qenë të jashtëzakonshme nga argjentinasit që kur kapiteni mori në duar trofeun.
Ai shënoi dy herë në barazimin 3-3 me Francën në një nga finalet më të mira të të gjitha kohërave, përpara se Argjentina fitonte me penallti në Lusial Stadium.
Skuadra e Lionel Scalonit mori një triumf të tretë në Kupën e Botës dhe i pari që kur Diego Maradona fitoi medaljen e artë në vitin 1986.
Skuadra e Argjentinës fluturoi në kryeqytetin, Buenos Aires, për një paradë të zakonshme me autobusë të hapur dhe thuhet se rreth 4 milionë njerëz mbushën rrugët.
Megjithatë parada u ndërpre para kohe për arsye sigurie pasi disa tifozë u përpoqën të hidheshin në autobus nga lartë.
Në vend të kësaj, si një alternativë, lojtarët fluturuan mbi qytet me helikopterë. Më pas ata u kthyen në shtëpi për të kaluar kohë me familjen dhe miqtë.
Por nëse Messi shpresonte për paqe dhe qetësi, ai e kishte shumë gabim. Kur ai dhe gruaja e tij Antonella Roccuzzo arritën në shtëpinë e tyre me një Audi, turma të mëdha po e prisnin jashtë.
Qindra tifozë brohoritën me zë të lartë për Messin dhe Argjentinën, me policinë dhe sigurinë që përpiqeshin të shoqëronin shtatë herë fituesin e Topit të Artë deri në derën e shtëpisë së tij.
Skenat ishin të pabesueshme dhe Messi dukej pak i befasuar nga pritja që e përshëndeti. Edhe pse nuk ka gjasa, ne shpresojmë që ai dhe familja e tij të jenë në gjendje të pushojnë dhe të ketë privatësi gjatë ditëve të ardhshme.
