Këtë të martë aktorja e madhe shqiptare Margarita Xhepa feston 85 vjetrin e lindjes edhe pse në kushte jo të mira shëndetësore të cilat e kanë hospitalizuar.
Presidenti Ilir Meta ka shkuar për një vizitë pranë aktores së mirënjohur ku dhe i ka dorëzuar një buqetë me lule.
Meta shkruan në rrjetin social se i uron shumë pranvera të lumtura Margaritës dhe shërim sa më të shpejtë.
“Shumë pranvera të tjera të lumtura për yllin e kinematografisë shqiptare, të papërsëritshmen, Margarita Xhepa.
I uroj shërim të shpejtë, besimplotë se do ta shohim sërish në skenë me të tjera role, që do t’i shtojnë freskinë buqetës së saj të jashtëzakonshme artistike”, shprehet Meta.
