Presidenti i Republikës, Ilir Meta, teksa i ka shprehur ngushëllimet familjes, dhe ka vlerësuar punën 40-vjeçare të ish-deputetit Bedri Çollaku, i ndarë nga jeta ditën e sotme si pasojë e Covid-19.
Përmes një mesazhi, Meta e cilëson Çollakun si një ndër ekspertët me kontribut të çmuar në mbikëqyrjen bankare.
Presidenti Meta:
Largimi i parakohshëm nga jeta i z.Bedri Çollaku, është pikëllues.
Një humbje e madhe për familjen, kolegët dhe sistemin tonë bankar.
Z.Bedri Çollaku do të kujtohet përherë si një ndër ekspertët me kontribut të çmuar në mbikëqyrjen bankare, me një karrierë mbi 40-vjeçare, i spikatur edhe në rolin menaxherial si drejtues i një ndër bankave tregtare të vendit, por edhe si ish-deputet i Kuvendit të Shqipërisë.
Ngushëllimet më të sinqerta! U prehtë në paqen e merituar!
