I thirrur nga presidenti Ilir Meta, sot Këshilli i Sigurisë Kombëtare do të mbahet online, ku fokusi do të jetë situata në Shqipëri me Covid-19
Ftesës së Metës për të marrë pjesë, kreu i Partisë Demokratike, Lulzim Basha iu përgjigj pozitivisht.
“Zoti Basha thekson se tani është koha që gjithkush të japë kontributin e tij në shërbim të jetës, shëndetit dhe sigurisë së qytetarëve në këto ditë të vështira”, u tha në një lajmërim të PD-së.
Përmes kësaj mbledhje presidenti Meta synon të gjejë dakortësinë e palëve dhe unifikojë qëndrimet e veprimet në përballjen me efektivitet të situatës me Covid-19./TCH/
