I ftuar në Syri TV, presidenti Ilir Meta ka hedhur akuza të shumta në adresë të qeverisë.
Sipas Metës, për të gjithë ata që janë përfshirë në krime, do të ketë një “Nuremberg shqiptar”, ndërkohë nuk kanë munguar as akuzat për ministren e Drejtësisë Etilda Gjonaj, e cila, sipas kreut të shtetit, të duhej të ishte në burg.
“Ne e dimë shumë mirë se çfarë presioni mafioz i është bërë Presidentit, që të pranonte një kandidate per Gjykaten Kushtetuese që e rrëmbeu mazhoranca në mënyrë ta paligjshme dhe për të cilën Ministrja e Drejtësisë (Etilda Gjonaj) duhet të ishte në burg dhe jo vetëm, por me të gjithë grupin kriminal që falsifikoi letrat për atë kandidate që u betua te Lana, duke paguar lekët për të qenë anëtare në Gjykatë Kushtetuese“, tha ndër të tjera Meta.