“Gjykata Ndërkombëtare e Drejtësisë e ka dhënë përgjigjen prej kohësh për Kosovën”, deklaroi sot Presidenti Ilir Meta, ndërsa iu përgjigj interesit të gazetarëve në konferencë për mediat në lidhje me deklaratën e presidentit të Serbisë Vuçiç për Kosovën.
Ai theksoi se Gjykata Ndërkombëtare e Drejtësisë e ka dhënë përgjigjen prej kohësh.
“Mendoj se Gjykata Ndërkombëtare e Drejtësisë e ka dhënë përgjigjen prej kohësh çdo pretendimi të ngritur nga ata që u ka ngelur ora para 20 vitesh. Dhe të gjithë të mësohen të bashkëjetojnë me Kosovën. Shtet i pavarur jo vetëm në Serbi por dhe vende të tjera, por dhe në Shqipëri ata që nuk e kanë të qartë”, tha Meta.
