Ashtu si edhe gjatë konferencës për shtyp më herët gjatë ditës së sotme, Presidenti Ilir Meta thekson edhe njëherë dy prioritetet e shtetit shqiptar në këto momente.
Përmes një postimi në Facebook ai shkruan se prioriteti numër një është përballimi me sukses i situatës me koronavirus.
Gjatë konferencës ai u shpreh se ka kërkuar një takim zyrtar me Ministren e Shëndetësisë për këtë çështje.
Gjithashtu ai shkruan se prioriteti i dytë i Shqipërisë është plotësimi i 15 kushteve për integrimin europian ku më herët gjatë konferencës vuri theksin tek miratimi i reformës zgjedhore e cila do t’i hapte rrugën plotësimin e pikave të tjera.
Postimi i plotë në Facebook:
Dy prioritetet kryesore për të cilat duhet të angazhohemi të gjithë janë: Përballimi me sukses i COVID-19 dhe plotësimi pa vonesë i 15 kushteve për çeljen e negociatave me Bashkimin Europian.
Çdo neglizhencë në këto dy prioritete ka kosto shumë të rënda: E para jetën e qytetarëve tanë, e dyta të ardhmen e Shqipërisë.
