Kreu i shtetit, Ilir Meta sot pati një takim me Mario Brunettin.
Ish- deputeti italian, prezantues i ligjit për ruajtjen e gjuhëve minoritare në Itali, veçanërisht asaj arbëreshe.
“Sot pata një takim shumë të ngrohtë me mikun tim Mario Brunetti, deputet i Parlamentit italian për një kohë të gjatë, prezantues i ligjit 482 për ruajtjen e gjuhëve të minorancave, veçanërisht asaj arbëreshe, gazetar, shkrimtar dhe studiues i çështjes së Italisë së Jugut dhe një nga studiuesit më të mëdhenj të veprës së Antonio Gramshit.
Ishte kënaqësi që mora si dhuratë botimin e tij të fundit mbi mendimtarin e madh italo-arbëresh, Antonio Gramshi”, shkruan Meta.
