Presidenti i Shqipërisë, Ilir Meta ka bërë thirrje që asnjë votë të mos tjetërsohet gjatë procesit të numërimit.
Meta në Facebook bën apel që të ruhet qetësia deri në shpalljen e rezultateve.
Presidenti shton se çdo votë në kuti do të numërohet dhe rinumërohet deri në fund.
“Asnjë votë të mos tjetërsohet në procesin e numërimit.
Numëruesit të mos ndikohen nga përzgjedhjet e qëllimshme të kutive të numërimit për qëllime demoralizimi të rivaleve.
Të gjithë të ruajnë qetësinë deri në shpalljen e rezultateve përfundimtare.
Çdo votë në kuti do numërohet dhe rinumërohet deri në fund”, shkruan Meta.
