Presidenti Ilir Meta përkujtoi sot Besëlidhjen e Lezhës, të cilën e cilësoi si unifikimi më gjithëpërfshirës i të gjithë shqiptarëve përballë rrezikut të asimilimit dhe shkombëtarizimit.
Meta tha se, “vepra e ndritur e Heroit tonë Kombëtar, Gjergj Kastrioti Skënderbeu, frymëzon sot më shumë se kurrë”.
“Koha i thërret shqiptarët për t’u bashkuar në një Besëlidhje të re, për të ndalur shpopullimin, për të shenjtëruar votën dhe Kushtetutën, në referendumin historik të 25 prillit 2021”, shtoi ai.
Për të kujtuar dhe nderuar 577-vjetorin e Besëlidhjes së Lezhës, kreu i Lëvizjes Vetëvendosje, Albin Kurti dhe politikanë të tjerë shqiptarë nga Mali i Zi, Maqedonia e Veriut dhe Lugina e Preshevës janë mbledhur në Lezhë, ku kryen homazhe dhe vendosën kurora në Obeliskun e Besëlidhjes.
