Deputetja demokrate Lindita Metaliaj ka adresuar një sërë akuzash gjatë prezantimit të raportit të Agjencisë së Mbikëqyrjes Policore, nga Ardi Veliu. Metaliaj u shpreh se dy muaj para zgjedhjeve vendore, në Lezhë grupet Shqiponjë janë mbyllur në Kazermë, ndërsa qyteti është terrorizuar nga grupe kriminale të armatosura,
“Dy muaj para zgjedhjeve në Lezhë, grupet shqiponja janë mbyllur në drejtori? Grupet kriminale kanë xhiruar të lirë pa i hyrë gjemb në këmbë duke terrorizuar banorët, makina pa targa, të armatosur, persona në kërkim duke akuzuar banorët duke mos i lejuar të dalin në rrugë. Dy muaj para zgjedhjeve grupet Shqiponja të mbyllen në drejtori dhe të mos kontrollojnë territorin?”, tha Metaliaj.
Lidhur me grupet kriminale që kanë terrorizuar qytetarët, Veliu u shpreh se nevojiten emra që rë refereohet materiali në Prokurori për të filluar procedimi e të bëhet hetimi i thelluar.
Kreu i AMP-së iu përgjigj më tej pyetjes lidhur me mbylljen e grupeve Shqiponja në Drejtori duke thënë se duhet që deputetja të administrojë kallëzimin për të proceduar me hapat e mëtejshëm deri te mbajtja e përgjegjësisë ligjore.
“Ju mund të bëni deklaratë publike, por referimin që materialin ta coj në prokuroi më duhen emra. Se vetëm material që të mos fillojë procedim, nuk ka vlerë. Personat që kanë shkelur ligjin duhet të kenë emër dhe unë jam i gatshëm të referoj kallëzimin dhe së bashku me prokurorinë të bëjmë hetim të thelluar.
Për mbylljen mund të jetë metodë organizative për Shqiponjat që nuk janë patrullë e përgjithshme. Shqiponjat janë strukturë reaguese.
Unë tani po e marr vesh, nëse ju keni të dhëna që është bërë e qëllimshme, dalim bashkë, ejani administroni kallëzimin dhe unë vendos në dispozicion të gjithë kapacitetet e agjencisë për ta hetuar qoftë administrativisht dhe nëse gjejmë elementë penalë, ta kthejmë në procedim penal dhe oficerët e policisë që nuk zbatuan ligjin të mbajnë përgjegjësinë ligjore”, tha Veliu.
