Presidenti Ilir Meta ka kërkuar më shumë mbështetje për sektorin e blegtorisë.
Në një postim në Facebook, presidenti i referohet shifrave të INSTAT dhe shkruan se pas vitit 2017 blegtoria “po shkon drejt një rënie të lirë”.
Kjo sipas tij po bëhet faktor për shpopullimin e zonave rurale të vendit.
“Braktisja e bujqësisë dhe blegtorisë po shpopullon zonat rurale dhe më të bukura të vendit, ndërkohë që miliarda euro jepen për koncesione të dyshimta dhe tendera “sekrete”. Shqipëria është e fundit në rajon sa i takon mbështetjes së bujqësisë. Kjo qasje duhet të ndryshojë një herë e përgjithmonë!”, shkruan presidenti Meta.
