Edi Rama i është ‘përgjigjur’ brenda ditës deklaratës së homologut të tij grek për kryetarin e zgjedhur të Bashkisë së Himarës Fredi Beleri, i cili ndodhet në burg me akuzën për shitblerje votash dhe nuk ka arrtiur të bëjë dot betimin për të filluar detyrën.
Megjithëse ka zgjedhur një mënyrë ndryshe, në formë edhe në përmbajtje.
Forma përmbante një simbolikë ndryshe. Rama ka postuar foto që tregohet se sheshi i Derviçanit,- ku jetojnë pjesëtarë të pakicës greke – i cili do të mbajë emrin e të atit të kryeministrit grek, tashmë po merr formë. Mesazh se Shqipëria, pavarësisht ‘kërcënimeve diplomatike’ nga Athina, synon të ketë qasjen “Zero probleme me fqinjët” .
“Kantieri i Rilindjes Urbane në zemër të Derviçanit, qendrës së bashkisë së Dropullit, e cila do të mbajë emrin e Konstandinos Mitsotakis, kryeministrit të parë grek që vizitoi minoritetin pas rënies së komunizmit”, shkroi Rama.
Në dhjetor të 2022 kur kryeministrit grek Kyriakos Mitsotakis vizitoi Dervicanin, drejtuesit e të dy qeverive mbajtën fjalime të shkurtra ku vlerësuan nivelin aktual të marrëdhënieve mes Athinës dhe Tiranës dhe shprehën vullnetin për përparimin e tyre. Kryeministri Edi Rama njoftoi se sheshi do të mbante emrin e Konstandinos Mitsotakis, madje në nderim të tij do vendosej dhe busti.
“Bashkë me kryetarin e bashkisë kemi përgatitur projektin e rilindjes urbane të gjithë sheshit kryesor që do të mbajë emrin e babait të kryeministrit dhe në nderim të tij do të vendoset edhe busti i kryeministrit” deklaroi atëherë Rama.
Sot përmes një reagimi për gazetarët nga Selaniku Kryeministri grek Kyriakos Mitsotakis kërkoi që Beleri të betohet, qoftë edhe nga qelia, duke theksuar se heqja e kësaj mundësie do të shkaktojë probleme në marrëdhëniet mes dy vendeve.
“Marëdhëniet dypalëshe me Shqipërinë janë lënë në hije nga rasti i burgosjes së Fredi Belerit” tha Mitsotakis.
Ai deklaroi se nuk të ndalojë së ngrituri këtë çështje në BE dhe përballë kryeministrit Edi Rama. Kjo çështje sipas kryeministrit grek përmbys progresin e arritur në marrëdhënien mes dy vendeve. Mitsotakis thotë se nuk ndërhyn në çështjet e drejtësisë shqiptare, por nuk tërhiqet as nga qëndrimi se Greqia do të bëhet pengesë e Shqipërisë për në BE.
Nga ana e tij kryeministri Edi Rama disa herë është shprehur qartë se nuk do të ndërhyjë në çështjet e drejtësisë shqiptare dhe se nuk mund të pranojë asnjë ndërhyrje ndaj saj.
Ndërsa në një reagim pas mofteses ne darken qe kryeministri grek organizoi në gusht të këtij viti në Athinë i bëri thirrje homologut grek të mos ishte peng i politikës së brendshme fisnore dhe e ftoi ne tetor ne tirane kur Shqipëria do të kryesojë Samitin e Procesit të Berlinit.
(15) Edi Rama – 🏗️🚧👷Kantieri i Rilindjes Urbane në zemër të Derviçanit,… | Facebook
