Shtëpia e Milan-it dhe Inter-it “San Siro” apo “Giuseppe Meazza” do të shkatërrohet plotësisht pas Lojërave Olimpike Dimërore 2026 për t’i hapur rrugë një stadiumi të ri 1 miliard paund, sipas gazetës italiane “La Gazzetta dello Sport”.
Stadium i ri i quajtur “Katedralja” do te ndërtohet pikërisht mbi stadiumin e vjetër.
Fillimisht ishte planifikuar që elementët e “San Siros” të mbaheshin të paprekura gjatë ndërtimit të stadiumit të ri. Këto përfshinin një nga shkallët spirale që përbëjnë pamjen e jashtme ikonike të stadiumit.
Por plani tani është që i gjithë stadiumi të prishet për t’i hapur rrugë një terreni të ri 60 mijë vendesh.
Sipas propozimeve, “San Siro” do të shkatërrohet pasi të ketë pritur ceremoninë e hapjes së Lojërave Olimpike Dimërore 2026.
Por duhet të zhvillohet një debat publik përpara se stadiumi, i cili u hap për herë të parë në vitin 1926 dhe është në pronësi të bashkisë së qytetit të Milanos.
Nëse prishjes i jepet drita jeshile, shpresohet se puna e ndërtimit në stadiumin e ri mund të fillojë në vitin 2024 me synimin që ai të hapet në kohë për sezonin 2027-28.
Sipas gazetës italiane “Corriere della Sera”, Inter dhe Milan vlerësojnë një rritje të të ardhurave prej 120 milionë euro në stadiumin e ri, pavarësisht reduktimit të kapacitetit nga “San Siro” që ka 80 mijë vende.
