Pas disa ekstrakteve të një ditë më parë, më në fund, intervista e plotë e Xherri Kardinales për revistën “7” ka dalë e plotë. Pronari i fondit “RedBird” dhe Milanit njëkohësisht ka hapur kartat duke treguar të gjitha objektivat që kanë te kuqezinjtë.
Përse bletë pikërisht Milanin? Sepse mendoj se është një mes pesë klubeve më të mëdha në Europë. Jemi këtu edhe prej asaj që kanë bërë pasardhësit e mi si Berlukosni, Rivera, Saki dhe Maldini.
Si ka mundësi që blerja e klubit nga ana juaj ka kaq shumë mistere?
Gomarllëqe. “RedBird” ka investuar 600 milionë euro te Milani dhe zotëron 100 për qind të atij kapitali. Nga ana tjetër fondi “Elliott” ka financuar blerjen me 550 milionë euro të tjera me një normë interesi shumë interesante. Synoj të shlyej detyrimin brenda tri sezonesh, ndaj edhe në vitin tim të parë ruajta strukturën e “Elliott”-it brenda Milanit. Ishte një mënyrë e sigurt dhe e shpejtë për të blerë këtë klub.
Përse titullin e vitit të kaluar e festuat në shesh?
Jam me origjinë italiane dhe babai im më sillte shpesh në Itali. Në vitin 1982 e kam fituar titullin botëror të Italisë pikërisht në Itali e më saktësisht në Salerno. Asokohe isha 15 vjeç dhe atmosfera ishte magjike. Kur festova fitoren e Milanit në kampionat e bëra për të shijuar e për të gëzuar në mënyrë intime. Kjo ishte arsyeja që isha në Milano, ndërsa ajo fotografi dëshmon pasionin tim.
Përse i zgjidhni lojtarët në bazë të statistikave?
Gjepura. Nuk e bëjmë vetëm ne dhe sistemi i zbulimit të lojtarëve në bazë të të dhënave është diçka që e përdorin të gjithë. Zbulimi dhe analiza janë dy gjëra që gërshetohen dhe te Milani kemi 13 specialistë të formuar në universitet prestigjioze. E dimë fort mirë që futbolli nuk është si bejsbolli, por ne jemi të avancuar në këtë aspekt.
Si ka qenë viti juaj i parë te Milani?
Nuk kam bërë ende asgjë. Më pëlqen puna e Skaronit që vepron si amerikanët, por ka edhe stofin e tifozit. Jam krenar për promovimin e Furlanit dhe grupin e punës që merret me financat dhe merkaton. Kemi ende punë përpara, por mos kujtoni se 1.2 miliardë e shpenzuar për Milanin janë vetëm investim nga i cili pres të fitoj sa më shpejt. Për herë të parë që nga viti 2006 Milani e mbyll sezoni me bilanc pozitiv, por ndërkohë ne duam të jemi më shumë se kaq. Pa ndryshimet e bëra, nuk do t’ia dilnim dot kurrë. Unë dua të jem Berluskoni i ri dhe të kem të njëjtin impakt në një futboll krejtësisht ndryshe.
