Milani ka shënuar fitoren e tretë rresht në Serie A. “Rossonerët” të dielën mbrëma kanë mposhtur në udhëtim Atalantan me rezultatin 3:2.
“Kuqezinjtë” e nisën në mënyrën më të mirë takimin duke shënuar në minutën e parë.
Davide Calabria kaloi në epërsi Milanin.
Milani shënoi edhe golin e dytë, me mesfushorin italian, Sandro Tonali, në minutën e 43-të.
Në pjesën e dytë Milani shënoi edhe një gol. Pas një kundërsulmi, Theo Hernandez shërbeu bukur në zonë Rafael Leaon që shënoi për rezultatin 3:0.
Nikoqirët ngushtuan rezultatin me anë të sulmuesit, Duvan Zapata. Ai shënoi për 3:1 nga penalltia.
Deri në fund vendasit shënuan edhe një herë me Mario Pashaliq për 3:2. Ai realizoi në kohën shtesë.
Te Atalanta nga minuta e parë u paraqit mbrojtësi Berat Gjimshiti.
Milani është në pozitën e dytë me 19 pikë, derisa Atalanta renditet e teta me 11 pikë.
