Ministrat britanike kanëinjoruar gjyqtarët evropianë, duke vendosur të ndryshojnë projektligjin e diskutueshëm të migracionit të paligjshëm.
Po ashtu një grup deputetësh konservatorë thonë se kanë arritur një marrëveshje me kryeministrin Rishi Sunak për të ndryshuar rregullat e reja për largimin e migrantëve që mbërrijnë në Mbretërinë e Bashkuar me varka të vogla, pasi ata kërcënuan se do të revoltohen ndaj legjislacionit, shkruajnë mediat e huaja.
Kuptohet se ministrat kanë rënë dakord t’i japin sekretarit të brendshëm kompetencat për të shpërfillur urdhrat e Gjykatës Evropiane të të Drejtave të Njeriut – të ashtuquajturat urdhra të Rregullit 39 – në disa raste. Ministri i imigracionit Robert Jenrick këmbënguli se ka shumë mbështetje për amendamentet dhe tha sapo të arrihet do të vihet në zbatim.
