Duke qenë se emigracioni masiv i të rinjve shqiptarë është kthyer në problematikë të madhe, ministrat britanikë po hartojnë plane për të deportuar mijëra azilkërkues shqiptarë pothuajse menjëherë pasi ata mbërrijnë me gomone në Britaninë e Madhe, shkruan Daily Mail.
Në propozimin e bërë nga ana e ministrave britanikë kërkohet që të shmanget dhënia e kohës për shqiptarët që nuk arrijnë të marrin azil dhe deportimi i tyre brenda disa ditëve.
Aktualisht, emigrantët e paligjshëm shqiptarë të cilët mbërrijnë në Britaninë e Madhe, në bazë të një procesi ligjor, vendosen në hotele të cilat kanë kosto të lartë për taksapaguesit britanikë.
Një tjetër propozim që po shqyrtohet është një ashpërsim i dënimeve për rastet e “skllzvërisë moderne” që sipas ministrave britanikë është zbrazëtia më e madhe në sistemin e emigracionit. Sipas shifrave të dhëna nga Home Office, numri i emigrantëve shqiptarë të cilët pretendojnë se janë viktima të skllavërisë moderne, pritet të dyfishohet këtë vit duke arritur në 5 mijë persona.
Ministri i Emigracionit, Robert Jenrick tha se shqiptarët po ‘abuzonin’ me aktin ligjor aktual dhe po vononin përpjekjet për dëbim. Duke paguar bandat e kontrabandës së njerëzve për t’i çuar në Britaninë e Madhe, shumë burra shqiptarë ose kanë tentuar të kalojnë Kanalin ose po mendojnë ta bëjnë këtë
