Dje, i sapo mbërritur nga Brukseli ku u zhvillua Konferenca e Donatorëve, Ministri për Rindërtimin Arben Ahmetaj ka sqaruar donacionet që janë bërë për Shqipërinë.
Ahmetaj u shpreh se nga 1.15 miliardë euro të mbledhura nga kjo konferencë në ndihmë të rindërtimit të Shqipërisë pas tërmetit te 26 nëntorit, 400 milionë janë para dhuratë dhe rreth 700 milionë janë kredi të buta.
Arben Ahmetaj: Rreth 400 milionë janë para që na i dhurojnë, nuk na i japin borxh, 700 milionë janë kredi të buta, me një kosto shumë të ulët, disa i kanë edhe nën 2%.
