I pyetur për Shqipërinë, Dendias vuri në dukje se çështja, duhet të nënshkruhet sa më shpejt, sipas tij para zgjedhjeve parlamentare në muajin Prill. Gjithashtu, ai ka shtuar se Kryeministri vendi Edi Rama ka pranuar se Greqia ka të drejtën e patjetërsueshme të njëanshme për të zgjatur ujërat e saj territoriale në 12 milje.
Ministri i Jashtëm grek, Nikos Dendias ka folur për raportet e ndezura Turqi-Greqi për çështjen e Detit, por edhe për marrëveshjen me vendin tonë. Në një deklaratë për media, Dendias ka thënë se pret që Shqipëria dhe Greqia do të shkojnë në Hagë në një marrëveshje që pritet të firmoset pas zgjedhjeve të 25 prillit. “Në lidhje me çështjen e apelit në Hagë, ekipet teknike po vazhdojnë punën e tyre. Qëllimi është të nënshkruajnë njw dokument dhe ta paraqesin sa më shpejt të jetë e mundur, unë mendoj pas zgjedhjeve parlamentare në Shqipëri në Prill,“-ka thënë ai.
Ai kujtoi se të gjitha forcat politike shqiptare argumentuan që çështja e shënjimit të zonave detare midis dy vendeve duhet të zgjidhet në bazë të Ligjit Ndërkombëtar Detar nga Gjykata Ndërkombëtare e Drejtësisë në Hagë: “Kjo është pikërisht ajo që po u themi bashkëbiseduesve tanë Turqi,”-ka thënë ai, ndërsa shtoi se edhe Kryeministri Edi Rama ka pranuar se Greqia ka të drejtën e patjetërsueshme të njëanshme për të zgjatur ujërat e saj territoriale në 12 milje.
“Në fakt, ai shtoi se Shqipëria bëri të njëjtën gjë 30 vjet më parë. Dhe kështu që asnjë vend i tretë nuk mund të kundërshtojë këtë të drejtë,”-tha Dendias.
Shqipëria dhe Greqia ranë dakord që ta dërgojnë marrëveshjen për ndarjen e zonave Eksluzive Ekonomike në Hagë. Kjo marrëveshje është cilësuar edhe si një mesazh për Ankaranë zyrtare, që të gjitha ndasitë për Detin, të shkojnë në Gjykatat Ndërkombëtare, dhe se Greqia është një shtet që e ka gjetur “gjuhën” e mirëkuptimit me të gjitha vendet e rajonit përveç Turqisë.
