Ministria britanike e Mbrojtjes ka publikuar raportin më të fundit sa i përket zhvillimeve në Ukrainë.
Në raportin e fundit thuhet se Rusia për herë të parë ka përdorur dronët e prodhuar në Iran, gjatë luftimeve të ashpra në Ukrainë.
Ndërkaq një ditë më parë, Kievi bëri të ditur se ka rrëzuar një fluturake pa pilot të quajtur Shahed-136.
Sipas ministrisë britanike të Mbrojtjes, këta dronë janë prodhuar si armë “për sulme njëpërdorimëshe”.
Dronë të tillë janë përdorur edhe në Lindjen e Mesme. E rrëzimi i një të tillë nga forcat ukrainase, është treguesi më i mirë se Rusia po i përdor dronët si armë taktiko-strategjike.
Qëllimi i tyre është bombardimi i caqeve ushtarake thellë në territorin e Ukrainës.
