Sipas përllogaritjeve të bëra nga ministrja e Financave dhe Ekonomisë Delina Ibrahimaj një qytetari shqiptar i duhen të ardhura mujore jo më shumë se 130-140 euro për të mbijetuar.
“Ne kemi një përllogaritje të familjes mestare. Nuk kemi një përllogaritje sa duhet të jenë të ardhurat e një personi. Patjetër kjo shumëzohet me familjen mestare që është 3.5 persona. Nëse pyetja referohet sa duhet të gjenerojë një individ për të mos u konsideruar i varfër, kjo shifër është diku tek 130-140 euro për person”, tha Ibrahimaj.
Nga ana tjetër qytetarët kanë paralajmëruar një tjetër protest para kryeministrisë ditën e shtunë, pasi shprehen se kostoja e jetesës në Shqipëri është shumë e lartë krahasur me rrogat dhe rritjen e vazhdueshme të çmimeve të shportës.
