Ministrja gjermane e Mbrojtjes, Annegret Kramp-Karrenbauer (CDU) ka vizituar sot Kosovën.
Këtë e ka bërë të ditur ambasadori i Gjermanisë në Kosovë, Christian Heldt.
Kramp-Karrenbauer në Kosovë është takuar me ushtarët gjermanë të KFOR-it, transmeton Koha.net.
“I lumtur të mirëpres ministren e mbrojtjes së Gjermanisë, Kramp-Karrenbauer për vizitën e saj tradicionale bërë trupave të KFOR-it në Kosovë. E shoqëruar gjithashtu nga një delegacion nga Bundestagu. Shkëmbime të mira për situatën e vendit”, ka shkruar Heldt në Twitter.
Derisa Kramp-Karrenbauer ka thënë se KFOR-i vazhdon të jetë i rëndësishëm për Kosovën dhe rajonin.
“Sot, ashtu si 20 vjet më parë KFOR-i vazhdon të jetë i rëndësishëm për Kosovën dhe rajonin. Përdorimi i ushtarëve tanë shoqërohet me ngarkesa të veçanta, veçanërisht kur rrugët dekorohen në mënyrë festive në vendlindje. Faleminderit për angazhimin tuaj”, ka shkruar ajo.
Nuk është raportuar se ajo ka mbajtur takime me zyrtarët e institucioneve të Kosovës.
