Një metodë e re skanimi që përfshin një mi transparent mund të përmirësojë mënyrën se si testohen ilaçet e kancerit, duke kapur tumoret që më parë ishin shumë të vegjël për t’u zbuluar.
Prof Ali Ertürk i qendrës kërkimore Helmholtz në Mynih përpunoi se si të bëhet transparent një mi i vdekur në 2018.
Ekipi i tij tani ka përdorur kimikate për të nxjerrë në pah inde specifike në mënyrë që ato të mund të skanohen në detaje të paprecedentë.
Ilaçet shpesh testohen fillimisht te minjtë. Shkencëtarët thonë se metoda e re e skanimit mund të revolucionarizojë kërkimin mjekësor.
Studiuesit thonë se metoda zbulon detaje shumë më të mëdha se teknikat ekzistuese të skanimit. Në një nga aplikimet e para ekipi ka zbuluar tumore kanceroze në fazat e para të formimit.
Prof Ertürk thotë se kjo është e rëndësishme sepse ilaçet kundër kancerit duhet të eliminojnë tumoret te minjtë përpara se të testohen te njerëzit.
Normalisht minjve laboratorik u jepet kancer dhe monitorohen me skanime konvencionale për të parë se si tumori ka përparuar. Më pas ata trajtohen me ilaçin e kancerit që po testohet dhe më pas skanohen përsëri për të parë se çfarë ndryshimi ka pasur trajtimi.
Metoda e skanimit të Prof Ertürk mund të përdoret vetëm te minjtë e ngordhur, për të dhënë një pamje se si kanceri ka përparuar, ose potencialisht nëse një trajtim ka funksionuar. Vetëm disa minj duhet të bëhen transparentë për të testuar efektivitetin e ilaçit.
Krijimi i miut transparent përfshin heqjen e të gjitha yndyrave dhe pigmentit nga trupi i tij, duke përdorur një proces kimik.
Ai ka gjetur një mënyrë për të shtuar kimikate të tjera të njohura si antitrupa për të nxjerrë në pah pjesët e miut që ai është i interesuar të studiojë nën një mikroskop. Antitrupa të ndryshëm ngjiten në lloje të ndryshme të indeve dhe kështu theksojnë çdo gjë që studiuesit janë të interesuar të shikojnë citon BBC.
