Kreu i Partisë Demokratike, Lulzim Basha, zhvilloi pasditen e sotme një bashkëbisedim me mjekët e familjes, kontakti i parë i të sëmurëve me Covid.
Ata parashtruan paras kryedemokratit një sërë ankesash si për mungesë të masave mbrojtjëse ashtu edhe për mostrajnimin e tyre për tu përballur me pandeminë.
“Na sollën maska të skaduara, maskat kemi blerë vetë. Sistemi publik në Tiranë ka 2-3 skaner. Vetëm QSUT. Mund të ketë dhe Ushtaraku 1”.
“Maska nuk kemi, doreza nuk kem , sapun të theshtë nuk kemi, na ruajt Zoti!”
Shqetësim ngritën edhe për vonesat me tamponimin e pacientëve.
“7 ditë për të marrë tamponin, dhe 7 ditë për përgjigjen. Personi është shëruar. Rasti që kam pasur dje është lajmëruar për tampon me 21 tetor, ia kanë marrë me 26 dhe ja kanë dhënë përgjigjen me 1 nëntor.
Gjatë kësaj periudhe gruaja ka qenë me shenja dhe i kam dhënë mjekim në bazë të grafisë që kishte bërë. Si kishin bërë tampon fare. Ndërsa pacienti vetë nuk kishte shenja. Në në urgjencë pa tampon mund të identifikojmë dhe 10 raste në ditë”.
“Në Maqedoninë e Veriut kanë nisur testimet e shpejta. Më përpara jepte përgjigjen brenda 48 orëve. Edhe tamponet që i bëjnë privatisht, të gjitha shkojnë në ISHP”.
“Ka dalë ideja se po shkove atje do të vdesësh. Del përgjigjia e tamponit dhe mjekut të familjes nuk i jepet përgjigjia me idenë se i duhet dhënë pacientit. Ai mund të më gënjejë mua”.
Siç bënë me dije mjekët e familjes, 20-30 e pacientëve ditorë që presin në Qendrat Shëndetësore janë pacientë Covidi.
Mjekët e familjes u ankuan edhe për mungesën e protokolleve të mjekimit dhe udhëzuesit klinikë, ndërsa thanë se mjekimi për pacientët është shumë i kushtueshëm dhe asnjë nga barnat nuk është e rimbursueshme.
“Problemi kryesor janë protollohet e mjekimit dhe udhëzuesit klinikë. Nuk ka protokolle. Nuk mund ta trajtosh një të sëmurë Covid njësoj si një tjetër pacient që është edhe me Covid dhe ka sëmundje të tjera bashkëshoqëruese.
Trajnimi i mjekut të familjes nuk është marrë në konsideratë. Së dyti kostoja që po paguajnë për mjekim. Ka familje që kanë 2-3 të sëmurë. Shkon 1200-1300 euro një mjekim. Vetëm azitromicina është e rimbursueshme”.
Mjekët e familjes kërkuan me insistim hapjen urgjent të spitaleve rajonale pasi siç thanë ata spitalet e kryeqytetit janë kolapsuar dhe pacientët me sëmundje të tjera nuk po marrin asnjë lloj shërbimi.
“Spitalet rajonale duhet të hapen urgjent, kanë mundësi për ta kuruar këtë sëmundje. Nuk ke pse ngarkon Tiranën, bllokon të gjithë spitalet e kryeqyet për sëmundjet e tjera.”/Ora News/
