Mjekët e Spitalit të Traumës në Tiranë sërish protestë në mbrojtje të kolegëve të tyre të arrestuar për falsifikim tamponësh të COVID-19.
Ata pretendojnë se arrestimi i tyre është i paligjshëm dhe i pabazuar në prova, teksa deklaruan se drejtësia po kalon cakun e të drejtave qytetarë.
Mjekët kërkuan të mos bëhet gjyq popullor, por të gjenden prova dhe më pas të mbahen në burg.
“Drejtësia po kalon cakun e të drejtave qytetare. Të mos bëhet gjyq popullor për mjekët. Të gjenden prova dhe pastaj të mbahen në burg. Nuk jemi dakord për aktin e mitmarrjes”, deklaroi mjeku Gent Stroni në emër të kolegëve të tij.Reklamë
Bluzat e bardha s’mund të mbahen në birucë me ata që vrasin, kemi pagat më të ulëta, po paragjykohet takimi me familjarët- theksojnë mjekët në protestë.
“Pas kësaj marrja apo dhënia e mendimeve individuale e secilit prej nesh nuk përbën pjesë të sindikatës. Gjatë ditës së djeshme ka pasur mendime të ndryshme. Ne jemi zyrtarisht këtu me deklaratën që ne kemi. Me qëllim që të mos ketë keqinterpretime të publikut. Sindikata po bën një punë për të bërë të mundur ndërgjegjësimin në qytetet e tjerë.
Duam të tregojmë që deri në momentin e gjetjes së provave mjekët të mos qëndrojnë në burg. Nuk janë kriminelë. Nuk mund të qëndrojë në të njëjtën birucë edhe ai që e ka vrarë personin edhe ai që e shëron. Ne marrim mendime të anëtarësisë. Vendimi do jetë kolegjial. Kjo do jetë hap pas hapi. Ne dje u mblodhëm për të vetmin fakt që të solidarizohemi me ata mjekë që në mënyrë abuzive të mbahen në burg. Ne u mblodhëm për të vetmen gjë, një përkrahje dhe zgjidhjen e problemit.
Imagjinoni se çfarë terrori po shkaktohet te mjekët që mundohen të bëjnë punët e tyre. Tani të gjithë janë të tmerruar sepse pas operacionit do i shpjegojnë familjarëve se çfarë ndodhi ndërsa tani paragjykohet. Takimi i mjekut me familjarin konsiderohet akt korruptiv. Nuk përkrahim akte korruptive por të drejtat e profesionistit nuk mund të shkelen.
Problematika që po ndodhin si pasojë e shumë arsyeve po ndikojnë në vendin e punës ose për largimin nga Shqipëria. Ne pretendojmë që një bashkëbisedim të na çojë aty ku duhet. Sot jemi vendi i fundit në Europë për pagën e mjekut. Një mjek duhet të përgjigjet për 2.5 pacientë për mjekë, ne e kemi mbi 4. Ne kemi normë më të madhe të punës dhe paguhemi shumë më pak”, u shpreh mjeku Stroni.
