Raketat ruse po bien jo larg kufijve të Moldavisë. Shpërthime misterioze janë regjistruar enklavën separatiste të mbështetur nga Rusia, muajin e kaluar.
Një krizë ekonomike është në prag. Dhe një gjeneral rus ka kërcënuar me zgjerimin e luftës nga Ukraina në Moldavi. Ndryshe nga fqinjët e tjerë perëndimorë që presin refugjatë ukrainas, Moldavia nuk është vend anëtar i BE dhe nuk ka burimet që ka blloku për të sistemuar azilkërkuesit.
Sidoqoftë, ajo ka pritur më shumë refugjatë ukrainas për frymë se cdo vend tjetër i BE, në një krizë në intensifikim e sipër që ka ndezur shqetësimet se vendi në juglindje të Europës mund të bëhet i pari që do të përballet me dhunën, pas Ukrainës.
Nicu Popescu, ministër i jashtëm i Moldavisë, i ka kërkuar së fundmi SHBA dhe BE më shumë vëmendje për Moldavinë. Që kur bombat e para ranë në Odesa, më 24 shkurt, Moldavia me 2.6 milionë banorë, priti më shumë se 400 mijë refugjatë ukrainas. Pjesa më e madhe kaluan transit, por rreth 100 mijë, qëndruan.
Ndryshe nga gjermania, ku paga mesatare është rreth 3900 euro, moldavët marrin rreth 500 euro në muaj. Çmimet tani janë rritur nga lufta. E përveç kësaj, janë edhe shpërthimet në Transistri, ku qëndrojnë 1500 ushtarë rusë. Autoritetet druajnë se Moldavia mund të shndërrohet në Ukrainën e radhës…
‘Shoqëria jonë, voton për pavarësinë, demokracinë, për bashkimin në BE sa më shpejt. Pjesa dërrmuese e moldavëve, por edhe njerëzit në Transnistri, duan paqe. Ne dëgjojmë zëra nga Rusia, disa ide për rindërtimin e bashkimit sovjetik…por Bashkimi sovjetik, ka vdekur’, thotë Popesku.
