Ky është momenti kur një ortek gjigant është lëshuar drejt një grupi skiatorësh në një pistë në një resort në Austri. Për fat të mirë ata arritën që të shpëtonin të gjithë.
Orteku ndodhi Ditën e Krishtlindjeve ndërsa sipas asaj që bëri të ditur policia të hënën, grumbulli i borës u rrëzua në qytetin Zuers, Austria perëndimore.
Në një video të publikuar Twitter shihet sesi orteku mbulon skiatorët që ndodheshin në pistë. Ndërsa, personi që po filmonte pamjet dëgjohet të thotë: “Oh Zot, duhet të shkojmë t’i kontrollojmë ata njerëz.”
Orteku mbuloi 500 metra pistë në malin 2.700 metra të lartë Trittkopf. Ekipet e shpëtimit u dërguan në vendin e ngjarjes me tetë helikopterë.
Si pasojë e incidentit, një person mbeti i lënduar rëndë ndërsa numri i personave të angazhuar në operacionin e shpëtimit ishte 200.
