Mbase në s’jemi të zotëri me sundue veten
Sot edhe pas 108 vjetësh hoxhallarët dhe priftrijtë ortodoks, predikojnë dhe luten në arabisht e turqisht në xhamia dhe kishat ortodokse.
Njeriu që u dekorua nga Papa me “Kryqin e Artë për Kishë dhe Papë” Njeriu qe pat mbarue në 1890 në Zvicër për teologji, politik e filozofi me medalje te arte. Njeriu që pat organizue lëvizjen e çetave të lirisë kundër Otomaneve dhe Pavarsisë së Shqipërisë për 15 vjet maleve të Kurbinit e Mirditës e Krujës, me zhgunën e klerit dhe armën në krah, i cili u u arrestua dhe u dënua nga Porta e Larte… Njeriu që pat marrë pjesë si anëtar i Kongresit Manastirit dhe ashtu si At Fishta, këmbënguli për alfabetin latin kur shallvare e mjekrrat ortodokse ishin për harfe turke e cirilike…
Njeriu që kur paria e vendit pat ra dakort me pranue një Autonomi të gjërë nën Xhonturqit në vjeshtën e 1912, Dom Kaçorri, pat ushtue deri në kupë të qiellës: Pasha bukën, or shokë e vllazën, po qé puna për nji autonomi me proje të dikujt e jo indipendencë, un kishim me pëlqye ma parë vetë Turqinë, e cila herët a vonë, asht e dënueme me u shporrun këtyne viseve t’Europës ….. nuk na ka hije me i thanë nji tjetri: Eja na sundo ti, qi je zotni ma i mirë se ai qi kemi, mbasi na s’jemi të zotët me sundue veten”
Njeriu që në shtëpinë ku ishin mbledh 41 delegatë e në debate të ashpra e të forta, kur disa delegatë kërkonin me pritë në ngritje e flamurit, me prite sa me ardhë xhonturqit, në mëngjesin e 28 Nentorit 1912, Dom Kacorri vuri alltinë në tavolinë e tha: ” Në qoftë duhet me pritë për nesër, desim sot, o sot. O ngrihet flamuri kombëtar, o kërkush nuk del i gjallë prej këtu!” mbas disa orësh ne ballkonin e shtëpisë u shpalos Flamuri i Pavarsisë.
Ai gjithmonë në debate të ashpra me klerikë myslimanë dhe ortodoksë, – të cilët predikonin, të parët gjuhën arabisht dhe turqisht, të dytët greqisht, – porosiste: “Të predikojmë në gjuhën shqipe, se Zoti na ndigjon edhe shqip!Ky është monumenti i Pavarsisë dhe nuk di sa studiohet në shkolla në historinë e Shqipërisë si Marathonomak i Pavarsisë.
