Mori dhjetëra pengje në një tren në Zvicër, policia ekzekuton azilantin iranian
Azilanti mori peng pasagjerët mbrëmjen e së enjtes dhe policia, e njoftuar nga udhëtarët, e bllokoi zonën teksa treni ishte ndaluar në qytetin Essert-sous-Champvert, në qarkun Vaud. Iraniani, i cili kishte folur në gjuhën angleze dhe persisht, kishte kërkuar që edhe drejtuesi i trenit t’i bashkohej 15 pengjeve. Pas katër orëve që prej sa nisi incidenti, Policia u fut në tren dhe eliminoi 32-vjeçarin, pasi u përpoq të negociojë me të përmes një përkthyesi.
Më shumë se 60 oficerë u përfshin në këtë rast. “Pengjet u liruan shëndosh e mirë”, tha Policia në një komunikatë për media. Vincent Derouand, zëdhënës i zyrës së prokurorit në Vaud, tha se është duke u zhvilluar një hetim për të mësuar se cilat ishin motivet e azilkërkuesit.
