Trajneri i Romës, Jose Mourinho, i ka shkruar direkt mesfushorit shqiptar të Arsenalit, Granit Xhaka, që të vaksinohet kundër COVID-19.
Mourinho ka shfrytëzuar rrjetin social “Instagram” për t’i komentuar Xhakës që ka vendosur të refuzojë vaksinimin.
Ylli nga Kosova ka munguar për Zvicrën në ndeshjen e së mërkurës ndaj Greqisë pasi rezultoi pozitiv për COVID-19.
Pasi shfaqi simptoma në mëngjes, një test rapid doli negativ para se ai PCR të konfirmonte se ishte infektuar.
Federata e Zvicrës më vonë ka konfirmuar se Xhaka ka refuzuar të vaksinohet.
Mourinho tani ka shfrytëzuar postimin e fundit të Xhakës për t’i komentuar.
“Merre vaksinën dhe ji i sigurt”, ka shkruar ish-trajneri i disa klubeve në Premier League.
Mourinho e synoi transferimin e Xhakës këtë verë te Roma, para se mesfushori të zgjaste kontratën me Arsenalin.
