Qyteti antik i Bylisit është një nga qendrat më të rëndësishme arkeologjike në territorin e Shqipërisë.
Ai shtrihet sapo del nga qyteti i vogël i Ballshit, 10 km larg tij, në krahun e djathtë të rrugës, ku të bie në sy një varg kodrash të larta.
“Ju uroj mirëmëngjes me një nga mozaikët e zbuluar në qytetin antik Bylis, i cili daton që nga shekulli VI”, tha sot ministrja e Kulturës, Elva Margariti duke sjellë në vëmendje këtë vepër të rëndësishme që vjen nga e kaluara.
Teatri i Bylisit është një nga monumentet më të mëdha të kësaj qendre arkeologjike, i cili është ndërtuar në fillim të shekullit të 3-të para lindjes së Krishtit dhe ka një kapacitet prej 7500 vendesh, që do të thotë që ka qenë një nga veprat më të mëdha të kohës./ATSH/
