Gjergj Erebara
1. Është shumë mirë që një vepër arti është mirëmbajtur, pavarësisht se është një instrument i propagandës së regjimit diktatorial. Mozaiku te muzeu aspak historik, e aq më pak, kombëtar, është një dokument historik, i cili duhet konservuar.
2. Mozaiku nuk më përfaqëson. Si produkt i një regjimi diktatorial, ai jep mesazhin e dhunës, e mitologjizimit të historisë për llogari të justifikimit të dhunës së pushtetit dhe shkeljes së të drejtave të njeriut.
3. Mozaiku nuk përçon kurrfarë mesazhi demokratik. Aty paraqiten pushkë, shigjeta, gra luftëtare me pushkë kundër armikut imagjinar të huaj, por kurrfarë elementi nuk sugjeron vlerat demokratike. Nuk ka kuti votimi, nuk ka të drejtë aborti, nuk ka respekt për orientimin gjinor. Me pak fjalë, mozaiku ka nevojë për t’iu prezantuar shikuesit me një shpjegim shumë të gjatë: duhet të shënohet se mijëra shqiptarë u ekzekutuan ndërsa regjimi glorifikonte veten me një mozaik të tillë, se gratë internoheshin kur bënin seks, se njerëzit burgoseshin për asgjë. Sa i përket vlerave artistike, kjo është punë shijesh
