Ernest Muçi ka realizuar dy gola në fitoren e Shqipërisë U21, në ndeshjen kualifikuese të Evropianit 2023.
Të enjten në stadiumin “Elbasan Arena”, shpresat e Shqipërisë fituan me rezultatin 2:0 kundër Andorrës U21.
Muçi i shënoi golat në minutën e 36-të dhe të 92-të, ndërsa e humbi penalltinë në minutën e 69-të.
Shqipëria U21 pozicionohet në vendin e tretë me gjashtë pikë në Grupin G, tri më shumë se Kosova e vendit të katërt.
Andorra është e fundit pa pikë në katër ndeshje.
