Një problem i minutës së fundit me mënyrën e transportit që kishte zgjedhur mund të kishte bërë që një adoleshente britanike të humbiste mbrëmjen e maturës, nëse në ndihmë s’do ti kishte ardhur policia e qytetit ku jeton.
16-vjeçarja Scarlett Thomas, e cila ka sëmundje të rënda që mund të kufizojnë jetën normale, u mor në Norton dhe u dërgua në festën e saj të maturës në Abbey Hill Academy në Stockton të premten më 30 qershor.
PC Bell nga Njësia e Policisë Rrugore të Policisë në Cleveland qëndroi pasi përfundoi turnin për t’u siguruar që Scarlett mund të shkonte dhe të gëzonte si të gjithë adoleshentët e tjerë në këtë mbrëmje.
Prindërit e Scarlett, Katherine dhe Alan falënderuan policinë dhe u shprehën se Scarlett ka një dashuri të vërtetë për çdo shërbim urgjence, ndaj shoqërimi nga Policia e Cleveland në maturën e saj është diçka që nuk do ta harrojë kurrë.
“Familja është shumë mirënjohëse që Policia e Cleveland mundi ta bëjë ditën e saj kaq të veçantë”, thanë ata.
