Mesfushori i Përfaqësueses së Kosovës, Florent Muslija ka thënë se është i lumtur që iu bashkua skuadrës së Paderbornit nga skuadra e Hannoverit. Ai edhe më i lumtur është për debutimin te kjo skuadër në fundjavë.
Paderborni fitoi ndaj Nuernbergut 2:1, ndërsa Muslija luajti deri në minutë ne 78-të.
“Ishte koha e duhur të lëvizja në një klub tjetër dhe jam i lumtur që kalova te Paderborni. Është një fillim i mrekullueshëm për mua”, ka thënë Muslija për “estfalen-blatt.de”.
Muslija 23-vjeçar iu bashkua më 2 janar Paderbonit dhe ka nënshkruar kontratë deri në qershor të vitit të ardhshëm. Ai për Kosovën ka luajtur shtatë ndeshje.
