Komisioni i Përkohshëm i Rithemelimit të PD i ka lënë Lulzim Bashës 5 janarin si afat të fundit për të liruar zyrën e Partisë Demokratike duke paralajmëruar se në rast refuzimi të tij anëtarësia e PD-së do të kthehet në një përmbarues politik.
Gazetari, Juxhin Mustafaraj, nuk parasheh ndonjë përplasje në funksion të këtij qëllimi, pasi siç thotë ai për Ora News, ish-kryeministrit Berisha nuk i duhet një akt dhune.
“Sa i takon lëvizjes politike ka qenë një nga lëvizjet më të gjetura të Sali Berishës e cila ka pësuar rritje. Ka ardhur në pikën që do të duhet të rimarrë PD. Sali Berisha e ka shumë të qartë se nëse një akt dhune ndodh në PD ai dhe bashkëpunëtorët e tij do ta kenë të vështirë përballë opinionit publik i cili e urren gjuhën e dhunës dhe kërkon ndoshta një tjetër lloj lidershipi në PD por kurrësesi një PD të marrë përmes forcës”, tha Mustafaraj.
