Artistët e estradës, pronarë të restoranteve, klubeve të natës, foto-studiove dhe këndeve të fëmijëve, me kafene të improvizuara protestuan para qeverisë së Maqedonisë së Veriut.
Ata kërkojnë urgjentisht të marrin ndihmë financiare nga shteti dhe të hapin plotësisht të gjithë sektorët, sepse disa prej tyre nuk kanë funksionuar për më shumë se shtatë muaj.
Po ashtu, ata presin që Qeveria t’i thërrasë ata në dy ditët e ardhshme që t’i dorëzojnë kërkesat e tyre, dhe nëse nuk gjejnë mirëkuptim, ata paralajmëruan një protestë të re më masive më 11 tetor.
