Në konferencën e përjavshme për shtyp, presidenti i Republikës Ilir Meta i ka bërë apel qeverisë që të gjejë sa më shpejt gjuhën e marrëveshjes dhe naftëtarët që prej 12 ditësh janë në grevë urie.
Sipas kreut të shtetit, zgjidhja duhet të vijë para se gratë naftëtare të kenë pasoja në shëndetin e tyre.
“Dua ta nis me një apel për qeverinë, për të dialoguar sa më parë me gratë naftëtare, për një zgjidhje sa më të pranueshme. Është shumë e rëndësishme të bëhet çdo përpjekje dhe të jepen garancitë e duhura për një trajtim të duhur, para se të kemi pasoja me shëndetin e tyre“, tha Meta.
Kryeministri Edi Rama paralajmëroi sot nga selia e PS se, Parlamenti do e rivotojë sërish Kodin Zgjedhor të rikthyer për shqyrtim nga prsidenti i Republikës.
Presidenti Meta i dha zero mundësi këtij skenari.
“Ka zero mundësi, ua kam thënë prej kohësh që në zgjedhjet e 25 prillit populli opozitar të mos përfaqësohet. Kjo ka zero mundësi“, tha Meta.
