Ndeshja miqësore Partizani- Roma nuk mirëpritet vetëm nga sportdashësit por edhe nga bizneset pranë stadiumit “Arena Kombëtare ”, që për ta përkthehet në më shumë fitime.
Zhvillimi i një ndeshje ndërkombëtare në një kryeqytet është një ngjarje e rëndësishme në aspektin sportiv. Por nga ana tjetër ka një ndikim ekonomik për qytetin.
Në Tiranë në fundjavë, do të ketë më shumë pronotime të hoteleve, frekuentim të bareve e restoranteve, por edhe jetës së natës.
Kjo përkthehet në më shumë para të arkëtuara nga bizneset dhe mbi të gjithë një promovim i turizmit, që të do të sjellë të tjera të ardhura për vendin tonë.
Partizani dhe Roma do zhvillojnë një miqësore luksi më 12 gusht në “Air Albania”, duke nisur nga ora 20:00.
