Një grup protestuesish në Peru dogjën zyrën dhe shtëpinë e një prokurori në rajonin e Ayacucho pasi ndikoi në vendimin për lirimin e disa personave të akuzuar për vrasjen e një të riu.
Protestuesit hynë në objektet në pronësi të prokurorit dhe i shkatërruan ato, duke iu vënë më pas flakën dhe të gjithë dokumenteve që gjetën në zyra.
Policia ndërhyri për të qetësuar situatën dhe madje përdori dhe gazin lotsjellës për të shpërndarë turmën.
Më pas, protesta përshkallëzoi më tej, ku protestuesit sulmuan me gurë dhe një stacion policie. Sipas të dhënave, në këto incidente 5 persona mbetën të lënduar.
18-vjeçari Daniel Quispe Bautista, u vra disa ditë më parë nga një shok shkolle në qytetin e Huanta. Një nga personat e arrestuar rrëfeu krimin te policia, e cila arrestoi 2 nga 3 të dyshuarit, të cilët u liruan më pas nga zyra e prokurorit.
