Ndjekje si nëpër filma! Një patrullë policie ndjek për 30 minuta një automjet të vjedhur nga dy të rinj.
Sipas njoftimit të policisë, dy të rinjtë të moshave 22 dhe 17 vjeç, kishin grabitur makinën tip “Golf” në vendin e quajtur si “Plazhi i Ri” në Vlorë dhe më pas kanë tentuar të largohen me shpejtësi.
Një strukturë policore i vendoset pas, ndërsa të rinjtë që ndodheshin në makinën e vjedhur tentonin sismtematikisht t’i shmangeshin një ndalimi prej tyre. Teksa ata zgjodhën për të marrë rrugën që të dërgonte poshtë një mbikalimi, një tjetër furgon policie i bën pritë dhe ky është momenti i arrestimit.
Policia nënvizon më tej në njoftimin e bërë publik se shoferi rezultoi të ishte 22-vjeçari A. Z., ndërsa së bashku me të në vendin e pasagjerit ishte 17-vjeçari A. H., të dy banues në qytetin e Vlorës. Nuk dihen ende shkaqet që shtynë dy të rinjtë për të ndërmarrë këtë akt të paligjshëm, ndërsa uniformat blu njoftojnë se kanë arrestuar 22-vjeçarin A. Z., ndërsa kanë nisur procedimin në gjendje të lirë të 17-vjeçarit A. H., për veprën penale “Vjedhja”, kryer në bashkëpunim.
