Menjëherë pas marrjes së mandatit të tretë, kryeministri Edi Rama ka bërë ndryshimet e para në qeveri.
Në mbledhjen që ka zhvilluar ditën e sotme Këshilli i Ministrave ka vendosur emërimin Bora Muzhaqin si zv.ministre e Arsimit dhe lirimin nga kjo detyrë të Aspajana Kongos.
Po kështu me firmën e numrit dy të qeverisë, Erjon Braçe, është emëruar zv.ministre e Mbrojtjes, Dallandyshe Bici, e cila ka mbajtur detyrën e kreut të IKMT.
Si Bora Muzhaqi ashtu edhe Dallëndyshe Bici, ishin kandidate për deputete në listën e PS-së për qarkun e Tiranës në zgjedhjet e 25 prillit, por asnjëra prej tyre nuk siguroi dot mandatin për tu futur në Kuvend.
