Me sa duket e pa aftë të bëjë ndryshime në përmbajjtje partia më e madhe e opozitës po revolucionarizohet në formë. Ajo do të jetë ndryshime të mëdha në strukturat e saj drejtuese. I larguar i madh duket se do të jetë kritiku i Lulzim Bashës, ish presidenti Nishani i cili do të humbasë postin e kreut të Këshillit Kombëtar. Bujar Nishani nuk figuron në asnjë prej listave të propozuara për votim nga Basha. Ai do të mbetet vetëm si anëtar i Këshillit Kombëtar të PD-së, për shkak të postit që ka mbajtur si ish-President. Vendi i Nishanit në Këshillin Kombëtar zëvendësohet nga Edi Paloka.
Ky i fundit ka humbur vendin e nënkryetarit së bashku me Edmond Spahon. Ndonëse, ndryshe nga Nishani, ata nuk kanë kundërshtuar asnjë vendim të Bashës ai po i zëvendëson me të ashtuquajturat fytyra të reja.
Këshilli i ri Kombëtar do të miratojë emërimet e nënkryetarëve dhe sekretarëve të PD-së për 4 vitet e ardhshme. Ata do të jenë: Alfred Rushaj që do të mbajë edhe vendin e shefit të grupit parlamentar, Enkelejd Alibeaj, që do të propozohet edhe për nënkryetar kuvendi dhe Jorida Tabaku me Grida Dumën, sipas parimit të ri të kopjuar nga rilindja për ti dhënë rrol më të madh drejtues grave. 30% e anëtarëve që do të zgjidhen për në kryesinë e re duhet të jenë patjetër gra.
Skuadra drejtuese e PD-së propozuar nga Basha
Alfred Rushaj – Kryetar i Grupit Parlamentar
Enkelejd Alibeaj – Nënkryetar i Kuvendit
Jorida Tabaku – Nënkryetar përgjegjës për marrëdhëniet me jashtë
Grida Duma – Nënkryetar përgjegjës për marrëdhëniet me shoqërinë civile
SEKRETAR I PËRGJITHSHËM
Gazment Bardhi
KRYETAR I KËSHILLIT KOMBËTAR TË PARTISË DEMOKRATIKE
Edi Paloka
KRYETAR I KOMISIONIT TË APELIMIT, INTEGRITETIT DHE ETIKËS
Flutura Açka
KRYETAR I KOMISIONIT ZGJEDHOR
Jemin Gjana
SEKRETARIATI EKZEKUTIV I PARTISË:
1. SEKRETAR ORGANIZATIV — Ervin Minarolli
2. SEKRETAR BURIMEVE NJERËZORE— Arta Sakja
3. SEKRETAR PËR EMIGRACIONIN DHE DIASPORËN —Belind Këlliçi
4. SEKRETAR PËR PRONARËT DHE CESHTJEN E PRONAVE- Ledina Mandia
5. SEKRETAR PËR KLIMËN E BIZNESIT – Flamur Hoxha
6. SEKRETARE PËR TË PËRNDJEKURIT POLITIK- Jonila Godole
7. SEKRETAR PËR ÇËSHTJET LIGJORE DHE ZGJEDHORE- Ivi Kaso
8. SEKRETAR PËR MARRËDHËNIET ME PUBLIKUN – Greta Bardeli
9. SEKRETAR I KOORDINIMIT ELEKTORAL – Taulant Zeneli
10. SEKRETAR PËR ORGANIZATAT PARTNERE – Orjela Nebiaj
11. SEKRETAR PËR ORGANIZIMIN DIXHITAL – Endri Hasa
