Kryetarja e Bashkisë Emiriana Sako ka postuar disa fotografi të shëtitores Taulantia dhe ka shkruar në faqen e saj zyrtare në facebook:
“Vijojmë punën për shtimin e mjedisit të gjelbër në qytet.
Vazhdon mbjellja e pemëve të llojit “pishë e butë” në shetitoren “Taulantia”.
Çdo ditë punojmë për një Durrës më të gjelbër.”
Në këto mjedise më parë ishte aplikuar mbjellja e palmave por rezultoi se ato nuk e përballonin dot klimën dhe erën e fortë që fryn në shëtitore, sidomos gjatë dimrit, prandaj, siç duket, Bashkia ka ndryshuar varietetin e pemëve që mbillen në atë hapësirë e cila vetëm pak kohë më parë iu nënshtrua rikonstruksionit (të paramiratuar nga administrata e Dako-s) dhe u betonua nga muri i portit deri tek pista.
