Në prononcimin e tij më optimist që nga fillimi i krizës, paneli këshillimor shkencor i Francës ka thënë se epidemia Covid-19 tani është “nën kontroll”.
Presidenti i panelit, Jean-François Delfraissy, i tha radios France-Inter se megjithëse virusi po qarkullonte ende, ai tani po e bënte këtë “me shpejtësi të ulët”.
“Ne vlerësojmë se jemi tani rreth 1.000 raste të reja në ditë,” tha ai, duke e krahasuar këtë me pikën më të lartë të epidemisë kur kishte “rreth 80,000 raste të reja ditore”.
Zyrtarisht ka pasur, deri më sot, 152,000 raste të konfirmuara (dmth të testuara) të koronavirusit në Francë, dhe pak më shumë se 29,000 vdekje. Shifra prej 80,000 raste në ditë është një vlerësim i numrit real të rasteve – përfshirë ato të pazbuluara ose me simptoma të buta – në fillim të marsit.
Numri i të vdekurve në spitalet franceze ra të enjten në 44.
Delfraissy tha që ende kishte grupe që shfaqeshin, por këto u regjistruan lehtësisht, falë testimit, gjurmimit të kontaktit dhe izolimit të vetvetes./BBC
