Presidenti rus Vladimir Putin ka fajësuar “krizat e thella të brendshme” në SH.B.A. për numrin e lartë të infeksioneve koronavirus dhe numrin e vdekjeve, dhe pretendon se Rusia ka bërë një punë më të mirë për trajtimin e shpërthimit. “Unë nuk mund ta imagjinoj dikë në qeverinë ose rajonet [ruse] duke thënë se ne nuk do të bëjmë ato që thonë qeveria ose presidenti,” i tha ai TV shtetëror. “Më duket se problemi [në SH.B.A.] është se … në këtë rast, interesat e partisë, vendosen mbi ato të shoqërisë në tërësi, mbi interesat e njerëzve”. SHBA ka më shumë se dy milion raste të konfirmuara të koronavirusit dhe një numër vdekjesh më shumë se 115,000 – më i larti në botë. Rusia ka pasur më shumë se 528,000 raste të konfirmuara – e treta më e larta në botë pas SHBA dhe Brazilit. Numri zyrtar i vdekjeve aktualisht është 6.948 – por kjo shifër është shumë e diskutueshme.
Vendi është në proces të rishikimit të numrit të vdekjeve për të marrë parasysh njerëzit që vdiqën me Covid-19, por nuk patën këtë sëmundje si shkakun e tyre kryesor të vdekjes. Zyrtarët e qytetit të Moskës thanë të mërkurën se, nën sistemin e ri, më shumë se 5000 njerëz kishin vdekur në kryeqytet vetëm në muajin maj.
