Koreja e Veriut iu ka ndaluar qytetarëve të diskutojnë për humbjen e peshës së Kim Jong Un, njerëzve iu është thënë se thashethemet për këtë temë përbëjnë një “akt reaksionar”.
Autoritetet koreano-veriore këmbëngulin se lideri suprem po ha më pak ‘për hir të vendit’, i cili po përballet me mungesa të mëdha ushqimi.
Spekulimet për shëndetin e Kim nisën të shfaqeshin pas publikimit të disa fotografive ku ai dukej gjithnjë e më i dobët.
Dhe sipas raportimeve ai mendohet të ketë humbur 44 kilogramë që nga fillimi i vitit.
